kisah palui Lampu Habang Hijau(cerita rakyat kalimantan)

pengalaman pertama posting di blog, dan bingung apaan yang mau ditampilin, sejenak ku berfikir,"".. eee,,, tiba2 aja ada ilham lewat wat nulis cerita rakyat kalimantan,, dan kbetulan juga sang penulis berasal dari kalimantan,,hehehe, yaitu judulnya si palui lampu habang hijau jangan heran ya guys, penulisannya pakai bahasa daerah skalian juga ngenalin bahasa daerah kalimantan,hehe , barang kalia aja temen2 mau belajar bahasa kalimantan (banjar kalimantan selatan) ..yaudah deh, dari pada kebanyakan basa-basi , langsung aja kita chek it out,,,,

SASAR hari Banjar sasar camuh. Sabarataan sakahandak hati. Sungai ditutup, jalanan baakipit karna dipakai gasan bajualan lalu maulah macet, satiap ada wadah ditajaki reklame raksasa.

Balum lagi nang bakandaraan sakahandak hati. Jalan urang dipakai, lampu habang dirampak. Karna rancak handak dirampak urang, Palui bakisah wan Garbus.
“Banua kita ini tamasuk nang anih Bus ai,” ujar Palui.

“Napa bukti anih itu Lui?” ujar Garbus.“Lampu-lampu habang kuning hijau di tiap simpangan itu kadada gunanya,” ujar Palui.
“Lampu habang hijau itu justru maksudnya gasan manyalamatakan manusia supaya jangan cilaka, bila habang maksudnya bamandak, kuning supaya hati-hati wan hijau bulih jalan tarus,” ujar Garbus.

“Tapi kanyataannya kaya apa Bus?” ujar Palui.

“Kanyataannya mimang dilanggar, kada dihirani. Tapi itu kada salah lampu habang hijau Lui ai,” ujar Garbus.

“Jadi nang salah adalah urang nang malanggarnya, lantaran kita hanyar balajar badisiplin. Tapi bahanu ada jua lampunya nang salah Bus ai, karna kada diharagu maka ada nang mati, ada jua nang habang atau hijau tarus-tarusan,” ujar Palui.

“Kalu kaya itu bubuhan nang manangani urusan lampu itu nang hanyar balajar badisiplin. Jadi kalu kaya itu kaya apa baiknya Lui, dilampui kada dipatuhi, bila kada dilampui makin samarawut wan macit jalanan kita,” ujar Garbus.

“Wayah ini kita masih zaman ipuria, jadi tiap urang pina sakahandaknya haja malanggar aturan,” ujar Palui.

“Kalu kaya itu biarakan haja kada baaturan, biar haja barampak, basinggul atawa bahantam,” ujar Garbus.

“Kalu kaya itu tabulik pulang zaman siapa kuat pasti manang, kasian rakyat nang bajalan batis,” ujar Palui.

“Sabujurnya nang kada tahu aturan itu kada rakyat nang bajalan batis tapi malah nang bamutur, nang basapida mutur, nang bataksi wan mutur trak,” ujar Garbus manyambung ucapan Palui bahwa rakyat nang bajalan batislah nang kasian kana singgul, tagapit wan nang tarampak.

“Labih kasian lagi Bus ai, bila ada nang imbah marampak lalu langsung bukah,” ujar Palui.

“Itulah salah satu tanda ipuria balalu lintas di jalanan, makanya kalu handak salamat bakurung ai di kalambu,” ujar Garbus.

“Bakurung di kalambu babahaya jua Bus ai, karna bisa kada baaturan jua marampaknya, bisa-bisa gagal KB,” ujar Palui sambil lihum lantaran sudah putus asa mamandir samarawutnya di jalanan. (tam)

Sumber: Banjarmasin Post Minggu, 11 September 2011